నేటి నుంచి ఫ్లెమింగో పక్షుల పండుగ నెల్లూరు జిల్లా సూళ్లూరుపేట నియోజకవర్గంలో ప్రారంభంకానుంది.రాష్ట్ర ప్రభుత్వం అధికారికంగా నిర్వహించే ఈ ఉత్సవానికి ఏర్పాట్లన్నీ పూర్తయ్యాయి.ప్రాంభోత్సవానికి పర్యాటకశాఖ మంత్రి అవంతి శ్రీనివాసరావు,జిల్లా ఇన్‌ఛార్జి మంత్రి శ్రీనివాసులురెడ్డితో పాటు జిల్లా ఎమ్మెల్యేలు హాజరవనున్నారు. 3రోజుల పాటు జరుపుకునే ఈ పక్షుల పండుగను వీక్షించేందుకు ఇతర రాష్ట్రాల నుంచీ పర్యాటకలు పెద్ద సంఖ్యలో తరలివస్తున్నారు.
పులికాట్ పరిసర ప్రాంతాలకు వేలాదిగా ఫ్లెమింగోతో పాటు ఇతర జాతుల పక్షులు వలస వస్తుంటాయి.వేల కిలోమీటర్ల నుంచి వచ్చి4నెలల పాటు ఇక్కడే విడిది చేస్తుంటాయి.స్థానిక మత్స్యకారులు చాలా కాలంగా వీటిని కాపాడుకుంటూ వస్తున్నారు.దీంతో వలస వచ్చే పక్షుల సంఖ్య భారీగా పెరిగింది.వీటిని చూసేందుకు వచ్చే పర్యాటకుల సంఖ్యా గణనీయంగా పెరుగతూ వచ్చింది.దీంతో రాష్ట్రప్రభుత్వం దీనిని గుర్తించి..అధికారిక పండుగలా జరిపేందుకు నిర్ణయించింది.గత ఏడేళ్లుగా పెద్ద ఎత్తున నిధులు కేటాయిస్తూ... 3రోజుల పాటు ఘనంగా ఉత్సవాలను నిర్వహిస్తున్నారు..
ఫ్లెమింగోలు,పెంటేంట్స్,పెలికాన్స్‌,వాటర్ బర్డ్స్‌,ప్లింటైల్స్,బ్లాంక్‌ స్టిల్స్‌,స్టీగల్స్‌ వంటి అనేక జాతుల విహంగాలు ఇప్పటికే పెద్దసంఖ్యలో వచ్చిచేరాయి.వీటిని వీక్షించేందుకు తరలివచ్చిన పర్యాటకుల కోసం....నేలపట్టు,అటకానితిప్ప,సూళ్లూరుపేట ప్రాంతాల్లో అధికారులు అనేక ఏర్పాట్లు చేశారు.భీమునివారిపాలెంలో బోటు షికారు ఏర్పాటు చేశారు.ప్రభుత్వానికి సంబంధించిన అనేక రకాల స్టాళ్లను ఏర్పాటు చేశారు.ఉత్సవాల్లో భాగంగా క్రీడాపోటీలు,సంస్కృతిక కార్యక్రమాలు నిర్వహించనున్నారు.