పెరిగిన భూగర్భజలం.. అన్నదాతల్లో వెల్లివిరిసిన ఆనందం

కరవు విలయతాండవం చేసే పల్లె అది. ఉపాధి కోసం ప్రజలు పరాయి ప్రాంతాలకు వెళ్తుంటారు. తాగేందుకు నీటి కొరత...ఇక పంటల సాగు ఊసే లేదు . వర్షాలు కురిస్తేనే పంటలు పండటం కష్టం. అలాంటిది ఆ ప్రాంతంలోని చెరువు మార్చి నెల నుంచి నిండుకుండలా మారింది. తెలుగుగంగ జలాలు రావడంతో చెరువులో జలకళ కనిపిస్తోంది. ఎప్పుడూ ఈ సీజన్ లో పంట పొట్ట దశలో ఎండిపోవడం జరిగేది. చెరువు నీటితో ఈసారి పుష్కలంగా పండే అవకాశం ఉంది. పంటల సాగు పనిలో అన్నదాతలు నిమగ్నమై ఉన్నారు.

నెల్లూరు జిల్లా నాయుడుపేట మండలం ద్వారకాపురంలో అటవీ కొండభూముల్లో 200 నుంచి 300 లోతు వరకూ బోర్లు పడవు. భూగర్భజలాలు కాన రాక పంటల సాగు ప్రశ్నార్థకంగా మారింది. వర్షం కురిస్తేనే పంటలు పండుతాయి. దీంతో ఈ గ్రామాన్ని కరవు పట్టిపీడిస్తోందనే నానుడి ఉంది. తాజాగా తెలుగుగంగ జలాలు పారడంతో గ్రామస్థులు కొంత చందాలు వేసుకుని... కాల్వలు తవ్వుకుని నీరు వచ్చే లా చేసుకున్నారు. ఈ సీజన్ లో పంట పుష్కలంగా పండుతుందని 220 ఎకరాల్లో వరి సాగుకు శ్రీకారం చుట్టామని .... ఐదు నెలలు పండే జిలకర మసూరి సాగు చేస్తున్నామని రైతన్నలు తెలిపారు . కరవు సీమలో తెలుగుగంగ జలాలతో సిరులు పండిస్తున్నామని రైతులు సంతోషం వ్యక్తం చేస్తున్నారు.

ఇదీ చదవండీ...