ఆర్టీఓ పేరుతో అక్రమ వసూళ్లు... వ్యక్తి అరెస్టు

ఆర్టీఓ పేరుతో అక్రమ వసూళ్లకు పాల్పడుతున్న ఓ వ్యక్తిని నెల్లూరు జిల్లా చేజర్ల పోలీసులు అరెస్టు చేశారు. బాధితుల ఫిర్యాదుతో పోలీసులు ఈ చర్యకు ఉపక్రమించారు.

నెల్లూరు జిల్లా చేజర్ల మండలం నాగులవెల్లటూరు గ్రామానికి చెందిన వాసు... ఆటో నడుపుతూ జీవనం కొనసాగిస్తున్నాడు. గతంలో ఆర్టీఓ వాహనానికి డ్రైవర్​గా పనిచేసిన అనుభవంతో వాసు నకిలీ ఆర్టీఓ అవతారం ఎత్తాడు. చేజర్ల మండలంలో వాహనాలను ఆపి ఆర్టీఓ పేరుతో బలవంతపు వసూళ్లకు పాల్పడేవాడు. ఈ క్రమంలో ఓ పాఠశాల వాహనాన్ని ఆపి... డబ్బులు ఇవ్వాలని బెదిరించాడు. వారు ప్రతిఘటించడంతో వారిపై దాడి చేశాడు. ఈ ఘటనలో కొందరికి గాయాలయ్యాయి. బాధితులు పోలీసులకు ఫిర్యాదు చేయగా... నకిలీ ఆర్టీఓపై కేసు నమోదు చేసి రిమాండ్​కు తరలించారు.

ఇదీచదవండి.