నెల్లూరు జిల్లా వ్యవసాయ శాఖ సంయుక్త సంచాలకులు ఆనంద్ కుమారి, సహాయ సంచాలకులు అనితను ఉద్యోగ సంఘం నాయకులు సన్మానించారు. పీఎం కిసాన్ ప్రజా సమస్యల పరిష్కారంలో నెల్లూరు జిల్లా వ్యవసాయ శాఖ దేశంలో మొదటి స్థానంలో నిలిచింది.
ఇందుకుగాను.. ఆ శాఖ అధికారులు పురస్కారం అందుకున్నారు. ఈ విషయమై హర్షం వ్యక్తం చేసిన సంఘం రాష్ట్ర ప్రధాన కార్యదర్శి హరి కరుణాకర్ రెడ్డి.. అవార్డు అందుకున్న వారిని సన్మానించారు. రాష్ట్ర వ్యవసాయ ఉద్యోగుల సంఘం జిల్లా అధ్యక్షుడు రఘునాథ్ రెడ్డి, జిల్లా కార్యదర్శి సోమసుందర్, ఉద్యోగ సంఘం నాయకులు పాల్గొన్నారు.