ప్రాణం తీసిన 'రా' ఫినాయిల్

ప్రాణాలకు తెగించి ప్రజలు శుభ్రంగా ఉండాలని సేవ చేస్తున్న పారిశుద్ధ్య కార్మికులకు నేడు యావత్​దేశం సెల్యూట్​ చేస్తోంది. ఈ సమయంలో అధికారులు చేసిన చిన్న తప్పుతో ఓ పారిశుద్ధ్య కార్మికుడు నిండుప్రాణాన్ని కోల్పోయాడు.శానిటైజర్​ ఇవ్వమని అడిగితే 'రా' ఫినయిల్​ ఇవ్వడంతో ఆయన చనిపోయాడు..ఎలా అనుకుంటున్నారా???

నెల్లూరులో విధులు నిర్వహిస్తున్న ఓ పారిశుద్ధ్య కార్మికుడు మృతి చెందాడు. నగరంలోని ఈఎస్ఐ ఆస్పత్రి ఆవరణలో పంది చనిపోయిందన్న సమాచారంతో దాన్ని తొలగించేందుకు ఐదుగురు పారిశుద్ధ్య సిబ్బంది అక్కడికి వెళ్లారు. పంది కలేబరాన్ని తొలగించి, చేతులు శుభ్రం చేసుకునేందుకు ఆసుపత్రి క్వార్టర్స్​లో ఉంటున్న సిబ్బందిని శానిటైజర్ అడగడంతో, వారు 'రా' ఫినాయిల్ ఇచ్చారు. ఈ ఫినాయిల్​లో యాసిడ్ ఉంటుంది.అందులో నీళ్లు కలిపి వాడాలీ...కాని తెలియక కార్మికులు మాత్రం ఈ ఫినాయిల్​ను నేరుగా వాడడంతో శేషగిరి అనే కార్మికుడు అక్కడికక్కడే కుప్పకూలాడు. మిగిలిన కార్మికుల చేతులు కమిలిపోయాయి. దీంతో అప్రమత్తమైన వారు చేతులను నీటితో శుభ్రం చేసుకున్నారు. పడిపోయిన కార్మికుడు శేషగిరిని ఆస్పత్రికి తరలించడంతో గుండెపోటుతో మృతి చెందినట్లు వైద్యులు తెలిపారు. ఈ విషయంపై పోలీసులు కేసు నమోదు చేసి దర్యాప్తు చేస్తున్నారు.

ఇదీ చూడండికరోనా సంక్షోభంలో రిలయన్స్‌ స్పందన భేష్'