కుక్కల దాడిలో విద్యార్థికి గాయాలు

కుక్కల దాడిలో విద్యార్థికి గాయాలయ్యాయి. పాఠశాలకు వెళ్తుండగా విద్యార్థిని కుక్కలు కరిచాయి. ఆత్మకూరు ప్రభుత్వాస్పత్రిలో బాధితుడు చికిత్స పొందుతున్నాడు.

నెల్లూరు జిల్లా ఆత్మకూరులోని ఉలవదిబ్బ సమీపంలో కుక్కలు ఓ విద్యార్థిపై దాడి చేసి తీవ్రంగా గాయపరిచాయి. పాఠశాలకు వెళ్తుండగా దారిలో ఎగబడ్డాయి. గడిచిన వారం రోజుల్లో అదే ప్రదేశంలో కుక్కలు ముగ్గురు చిన్నారులపై దాడి చేశాయి. ఘటన జరిగినప్పుడే హడావిడి చేస్తున్న మున్సిపల్ అధికారులు... ఆ తర్వాత పట్టించుకోవడంలేదని స్థానికులు ఆరోపించారు. చిన్నారులు ఇళ్ల నుంచి బయటకు రావాలంటేనే భయపడుతున్నారని ఆందోళన వ్యక్తం చేశారు.