పడుగుపాడులో క్షుద్రపూజల కలకలం

క్రికెట్​ ఆడుకునే మైదానంలో క్షుద్రపూజలు చేసిన ఘటన నెల్లూరు జిల్లా పడుగుపాడు గ్రామంలో వెలుగుచూసింది. గుర్తు తెలియని వ్యక్తులు ఇలా తమను భయాందోళనలకు గురి చేస్తున్నారని గ్రామస్తులంటున్నారు. పోలీసులు స్పందించి వారిపై కఠిన చర్యలు తీసుకోవాలని కోరుతున్నారు.

నెల్లూరు జిల్లా కోవూరు మండలం పడుగుపాడు గ్రామంలో క్షుద్ర పూజలు కలకలం రేపాయి. గ్రామంలోని క్రికెట్ ఆడుకునే మైదానంలో అర్థరాత్రి గుర్తుతెలియని వ్యక్తులు ఈ పూజలు నిర్వహించారు. పెద్ద బొమ్మ గీసి అందులో రంగులు వేశారు. నిమ్మకాయలు, గుమ్మడికాయలు పెట్టి.. మేకులు కొట్టారు. నల్లటి కోడిని కూడా బలి ఇచ్చారని స్థానికులంటున్నారు. క్రికెట్ ఆడేందుకు క్రీడాకారులు మైదానం దగ్గరకు వెళ్లటంతో విషయం వెలుగులోకి వచ్చింది. ఈ ఘటనతో స్థానికులు భయాందోళన చెందుతున్నారు. పోలీసులు క్షుద్ర పూజలు నిర్వహించే వారిపై చర్యలు తీసుకోవాలని కోరుతున్నారు.

ఇదీ చదవండి: