మాజీ ఎమ్మెల్సీ జల్లి విల్సన్ ఆధ్వర్యంలో ఆందోళన
నెల్లూరు జిల్లా బాలాయపల్లి మండలం మల్లెమాల గ్రామస్థులు భూమి కోసం ఆందోళనకు దిగారు. వ్యవసాయ కార్మిక సంఘం అధ్యక్షులు, మాజీ ఎమ్మెల్సీ జల్లి విల్సన్ ఆధ్వర్యంలో నిర్వహించిన ఆందోళనలో పెద్ద ఎత్తున సీపీఐ నాయకులు పాల్గొన్నారు. దశాబ్దాల క్రితం పేదలకు ఇచ్చిన భూములు, ఇళ్ల స్థలాల పేరిట లాక్కోవటం ఏంటని ఈ సందర్భంగా జల్లి విల్సన్ ప్రశ్నించారు. పేదల నుంచి తీసుకున్న భూములకు కొత్తగా పట్టాలు ఇచ్చే చర్యలు మానుకోవాలని హితవు పలికారు. కోనేరు రంగారావు కమిటీ సిఫార్సు మేరకు ప్రభుత్వ భూములు పేదలకు పంపిణీ చేయాలని డిమాండ్ చేశారు.