యువ జంట ఆత్మహత్యాయత్నం... భర్త మృతి

ప్రేమించి వివాహం చేసుకున్నారు. నూరేళ్లు... సంతోషంగా కలిసి నడవాలనుకున్నారు. కుటుంబ కలహాలు వారి ఆనందాన్ని మంటగలిపాయి. భార్యభర్తలిద్దరూ ఆత్మహత్యాయత్నానికి పాల్పడ్డారు.

నెల్లూరు జిల్లా అనంతసాగరం మండలం సోమశిలలో విషాదం జరిగింది. కొత్తగా పెళ్లైన జంట ఆత్మహత్యాయత్నం చేసింది. ఈ ఘటనలో భర్త మరణించగా.. భార్య పరిస్థితి విషమంగా ఉంది.

ఏం జరిగింది:

గ్రామానికి చెందిన యువ జంట ఆత్మహత్యకు పాల్పడింది. ప్రేమించి పెళ్లి చేసుకున్న వారు… ఆరు నెలలుగా కుటుంబం నుంచి వేరుగా ఉంటున్నారు. కుటుంబ కలహాల వల్ల భర్త శ్రీకాంత్​ పెట్రోల్​ పోసుకుని నిప్పంటించుకున్నాడు. విషయం తెలుసుకున్న భార్య పురుగుల మందు తాగింది. వైద్యం అందించేందుకు ఇద్దరినీ… నెల్లూరు ఆస్పత్రికి తరలించారు. చికిత్స పొందుతూ భర్త మృతి చెందాడు. భార్య పరిస్థితి విషమంగా ఉంది.

ఇదీ చదవండి: