కరోనా బాధితుల్లో ఉన్న ఆందోళనలు, భయాన్ని తొలగించి... ఆరోగ్యాన్ని అందిచేందుకు యోగాసనాలు ఎంతో ఉపయోగపడతాయని నెల్లూరు జిల్లా ఆత్మకూరు పురపాలక కమిషనర్ రమేష్ బాబు తెలిపారు. పట్టణంలో టిడ్కో భవనాల్లోని కొవిడ్ కేంద్రంలో ఏర్పాటు చేసిన యోగా కార్యక్రమంలో ఆయన పాల్గొన్నారు.
స్థానిక ఆర్డీఓ ఉమాదేవి, మంత్రి మేకపాటి గౌతమ్ రెడ్డి సలహాలతో ఈ కార్యక్రమాన్ని నిర్వహిస్తున్నామని రమేష్ బాబు అన్నారు. జిల్లా ఎస్పీ ఆదేశాల ప్రకారం కొవిడ్ కేంద్రానికి పూర్తి భద్రత కల్పిస్తున్నామని పట్టణ సీఐ సోమయ్య చెప్పారు.