చోరీ కేసును ఛేదించిన పోలీసులు... నిందితుడు అరెస్టు

నెల్లూరు జిల్లాలో డబ్బుతో పారిపోయిన కేసును పోలీసులు ఛేదించారు. నిందితుడిని అరెస్టు చేసి, రూ.24.70లక్షల నగదును స్వాధీనం చేసుకున్నారు.

రూ.24.70 లక్షల నగదు అపహరణ కేసును నెల్లూరు జిల్లా పోలీసులు ఛేదించారు. ఓ పెట్రోలు బంకులో విధులు నిర్వహిస్తున్న రమేశ్ ​కు, ఓ వ్యక్తి బ్యాంకులో నగదు కట్టమని రూ.24.70 లక్షలు ఇచ్చాడు. ఈ క్రమంలో రమేశ్ బ్యాంకులో డబ్బులు కట్టకుండా నగదుతో ఉడాయించాడు. విషయం తెలుసుకున్న బాధితుడు... పోలీసులకు ఫిర్యాదు చేశాడు. కేసు నమోదు చేసుకున్న సీసీఎస్ పోలీసులు నిందితుడిని అరెస్టు చేసి, నగదు స్వాధీనం చేసుకున్నారు. ఈ కేసును ఛేదించిన పోలీసులను జిల్లా ఎస్పీ భాస్కర్ భూషణ్ అభినందించారు.

ఇదీచదవండి.