హోటల్​లో చోరీ... 60 వేల నగదు అపహరణ

ఉదయగిరి బస్టాండ్​ వద్ద హోటల్​లో దొంగలు పడ్డారు. సోమవారం ఉదయం హోటల్​ తెరిచేందుకు వచ్చిన సిబ్బంది ఈ విషయాన్ని గమనించారు. హోటల్​ కౌంటర్​ బాక్స్​లో ఉన్న 60 వేల రూపాయల నగదును దుండగులు అపహరించారు.

నెల్లూరు జిల్లా ఉదయగిరి బస్టాండ్​ కూడలి వద్దనున్న హోటల్​లో ఆదివారం రాత్రి దొంగలు చోరీకి పాల్పడ్డారు. హోటల్లోని నగదు కౌంటర్​ బాక్స్​ను తొలగించి అందులో ఉన్న రూ.60 వేల నగదును అపహరించారు. మిద్దెపై నుంచి హోటల్​లోకి వచ్చే గేటు తాళాన్ని దుండగులు ధ్వంసం చేశారు. విద్యుత్​ సరఫరా బోర్డు వద్ద ఫ్యూజ్​ను తొలగించి సీసీ కెమెరాల వైర్లను కట్​ చేశారు. సోమవారం ఉదయం హోటల్​ను తెరిచేందుకు వచ్చిన సిబ్బంది విషయాన్ని గుర్తించారు. సమాచారం అందుకున్న పోలీసుల ఘటనా స్థలానికి చేరుకుని పరిశీలించారు.

ఇదీ చదవండి :