నెల్లూరు జిల్లా బుచ్చిరెడ్డిపాలెం మండలం కనిసిరిపాలెం పరిధిలోని జాతీయ రహదారిపై.. పెళ్లి బృందం ప్రయాణిస్తున్న కారు ప్రమాదానికి గురైంది. ఈ ఘటనలో.. నవ దంపతులతోపాటు ఐదుగురు గాయాలపాలయ్యారు. నెల్లూరు నుంచి వింజమూరు వెళ్తున్న వీరి కారు.. టైర్ పగిలిపోవడంతో అదుపు తప్పి ఆగి ఉన్న లారీని ఢీకొట్టింది.
వాహనం తీవ్రంగా దెబ్బతినగా.. అందులో ఉన్న నవదంపతులు మహాలక్ష్మి, సుధీర్ తోపాటు మరో ముగ్గురు గాయాలపాలయ్యారు. ఘటన జరిగిన వెంటనే స్పందించిన స్థానికులు.. 108కి ఫోన్ చేసి, గాయపడిన వారిని చికిత్స నిమిత్తం ఆస్పత్రికి తరలించారు.