తెదేపా సంక్షేమ బాట.. చిన్నారి హారిక నోట

రాష్ట్ర ప్రభుత్వం అమలు చేస్తున్న సంక్షేమ పథకాలు... చిన్నారులనూ ఆకర్షిస్తున్నాయి. నెల్లూరు జిల్లా ఆత్మకూరు తెదేపా ఎన్నికల ప్రచార సభలో చిన్నారి హారిక.. ప్రభుత్వ పథకాలను, అభివృద్ధి దిశగా చంద్రబాబు చేసిన కృషిని వివరించడం.. సభికులను ఆశ్చర్యానికు గురి చేసింది. అనర్గళంగా, ఏకధాటిగా.. ఎలాంటి తొణుకు బెణుకు లేకుండా హారిక చేసిన ప్రసంగం.. ముఖ్యమంత్రి చంద్రబాబు సహా.. సభకు హాజరైన అందరితో చప్పట్లు కొట్టించింది.

రాష్ట్ర ప్రజలకు ఎలాంటి కష్టం లేకుండా పరిపాలించిన ఒకే ఒక్కడు.. మన హీరో చంద్రబాబు అని... నెల్లూరు జిల్లా ఆత్మకూరుకు చెందిన ఐదో తరగతిచిన్నారి హారిక చెప్పింది. ఆత్మకూరులో పార్టీ నిర్వహించిన ఎన్నికల ప్రచార సభలో.. హారిక చేసిన ప్రసంగం హైలైట్ అయ్యింది. జై ఆంధ్రప్రదేశ్.. జైజై ఆంధ్రప్రదేశ్ అంటూ ఆమె ప్రసంగాన్ని ముగించిన తీరుకు.. అభినందనలు వెల్లువెత్తాయి. విభజన అనంతర పరిస్థితుల నుంచి.. ప్రస్తుతం రాష్ట్రం సాధించిన పురోగతిపై ఆమె చెప్పిన వివరాలకు... ముఖ్యమంత్రి చంద్రబాబు చప్పట్లతో అభినందనలు తెలిపారు. హారికను శాలువా కప్పి సత్కరించారు.పుష్పగుచ్ఛం ఇచ్చారు. చిన్నారిని మనస్ఫూర్తిగా ఆశీర్వదించారు.