పరిశ్రమల శాఖ మంత్రి మేకపాటి గౌతమ్ రెడ్డికి మరో శాఖ బాధ్యతలను కూడా అప్పగించింది రాష్ట్ర ప్రభుత్వం. ప్రస్తుతం ముఖ్యమంత్రి వైఎస్ జగన్ స్వయంగా పర్యవేక్షిస్తున్న మౌలిక సదుపాయాల కల్పన, పెట్టుబడుల శాఖను కూడా గౌతమ్ రెడ్డికి అప్పగించింది. ఈ మేరకు సీఎస్ నీలం సాహ్ని ఉత్తర్వులు జారీ చేశారు. ఇక నుంచి గౌతమ్ రెడ్డి పరిశ్రమలు, ఐటీ శాఖల బాధ్యతలతో పాటు నైపుణ్యాభివృద్ధి, మౌలిక సదుపాయాల కల్పన, పెట్టుబడుల శాఖల బాధ్యతలు పర్యవేక్షించనున్నారు.