నెల్లూరు నగర పాలక సంస్థ, మెప్మా ఆధ్వర్యంలో కొవిడ్ పై అవగాహన ర్యాలీ జరిగింది. ఇది నగరంలోని గాంధీ బోమ్మ సెంటర్ నుంచి ఆర్టీసీ బస్టాండ్ వరకు సాగింది. ర్యాలీలో జలవనరుల శాఖ మంత్రి అనిల్ కుమార్ యాదవ్, జిల్లా కలెక్టర్ చక్రధర బాబు పాల్గొన్నారు.
కరోనాపై పోరులో వైద్య సిబ్బంది, పోలీస్, ఇతర అధికారుల పనితీరు అభినందనీయమని మంత్రి కొనియాడారు. ప్రస్తుతం కొవిడ్ తగ్గుముఖం పడుతున్నా ప్రజలు మాత్రం జాగ్రత్తగా ఉండాలని కోరారు. మాస్కులు ధరిస్తూ, చేతులను శుభ్రపరుచుకుంటూ, తగిన పౌష్టికాహారం తీసుకోవాలని సూచించారు.