మద్యం మత్తులో వీరంగం
నెల్లూరు జిల్లా చేజర్ల మండలం ఆదూరుపల్లిలో మద్యం మత్తులో ముగ్గురు వ్యక్తులు వీరంగం సృష్టించారు. రోడ్డుపై నడుచుకుంటూ వెళ్తున్న యువతిని బలవంతంగా ద్విచక్రవాహనంపై ఎక్కించుకున్నారు. యువతి ప్రతిఘటించటంతో కొంతదూరం తర్వాత వదిలేశారు. గమనించిన స్థానికులు యువకులను వెంబడించి ఒకరిని పట్టుకొని దేహశుద్ధి చేశారు. ఘటనపై పోలీసులకు ఫిర్యాదు చేయగా...కేసు నమోదు చేసుకొని పరారైన పోకిరీల కోసం గాలిస్తున్నారు.