ద్విచక్ర వాహనంలో చెలరేగిన మంటలు.. తప్పిన పెను ప్రమాదం

Fire in two wheeler: రయ్​ రయ్​మంటూ దంపతులిద్దరూ ద్విచక్ర వాహనంపై వెళ్తున్నారు. మధ్యలో బంధువులు కనిపిస్తే ఆగి మాట్లాడుతున్నారు. ఇంతలోనే ఘోరం జరిగిపోయింది. బండిలో మంటలు చెలరేగి వాహనం దగ్ధమైంది. అప్పటికే బండి పైనుంచి వాళ్లిద్దరూ దిగడంతో ప్రాణాపాయం తప్పింది.

Vehicle Burning in AP: పార్వతీపురం మన్యం జిల్లా పాలకొండ మండలం వెలగవాడ గ్రామ సమీపంలో ద్విచక్రవాహనం దగ్ధమైంది. శ్రీకాకుళం జిల్లా కొత్తూరు మండలం ఎర్రపాడు నుంచి పెదకూటిపల్లికి ద్విచక్రవాహనంపై దంపతులు వస్తున్నారు. మధ్యలో బంధువులు కనిపించడంతో ఆగి.. బైక్​ ఆన్​లోనే ఉంచి మాట్లాడుతున్నారు. ఈలోగా ద్విచక్రవాహనంలో మంటలు చెలరేగాయి.. మంటలార్పేందుకు స్థానికులు యత్నించినా.. అప్పటికే బైక్​ మొత్తం దగ్దమైంది. అప్పటికే వాసుదేవరావు దంపతులు బైక్​ పైనుంచి దిగడంతో పెను ప్రమాదం తప్పింది.

ఇవీ చదవండి: