పల్నాడులో నకిలీ నోట్ల గుట్టు రట్టు.. రూ.65 లక్షలు స్వాధీనం

Fake Currency: అక్రమ మార్గంలో డబ్బు సంపాదించడానికి కేటుగాళ్లు ఎన్నో మార్గాలను వెతుకుతున్నారు. తాజాగా ఓ వ్యక్తి కూడా డబ్బు సంపాదించాలని.. ఏకంగా తన ఇంట్లోనే నకిలి నోట్లను ముద్రించాడు. ఒకటి కాదు రెండు కాదు దాదాపు రూ.65 లక్షల నోట్లను ముద్రించాడు. చివరికి ఏం జరిగిందంటే..

Fake Currency: పల్నాడు జిల్లా చర్లగుడిపాడుకు చెందిన ఓ వ్యక్తి నకిలీ నోట్లు తయారు చేస్తున్నాడనే అనుమానంతో అతని ఇంటిపై పోలీసులు దాడి చేశారు. ఈ క్రమంలో నకిలీ నోట్లను గుర్తించి.. నోట్ల తయారికి వినియోగించిన ల్యాప్​ట్యాప్, ప్రింటింగ్ మిషన్​ను స్వాధీనం చేసుకున్నట్లు తెలిసింది. సుమారు 65 లక్షల రూపాయల విలువ గల ముద్రించిన నకిలీ నోట్లను స్వాధీనం చేసుకున్నట్లు సమాచారం. పోలీసుల రాకను గమనించిన సదరు వ్యక్తి పారిపోయేందుకు ప్రయత్నించాడు. ఈ క్రమంలో తన ఇంటి పైనుంచి పక్క ఇంటిపై దుకాడంతో.. అతనికి గాయాలయ్యాయి. గమనించిన స్థానికులు అతడిని గురజాల ప్రభుత్వ ఆసుపత్రికి తరలించినట్లు సమాచారం.

ఇవీ చదవండి: