తనను విడిచి ఉండలేక.. భర్తతోనే భార్య

14:58 July 18

భర్త మరణవార్త విని భార్య చిట్టెమ్మ మృతి

Couple death within hours: వారిద్దరిదీ అన్యోన్య దాంపత్యం.. ఒకరంటే మరొకరికి ఎనలేని ప్రేమ.. ఇది చూసి కాలానికి కన్ను కుట్టిందేమో ఇద్దరినీ కొన్ని గంటల వ్యవధిలోనే ఈ లోకం నుంచి తీసుకెళ్లింది. ఈ విషాద ఘటన పల్నాడు జిల్లాలో జరిగింది. నాదెండ్ల మండలం గణపవరం అంబేద్కర్ కాలనీకి చెందిన తాళ్లూరి అచ్చయ్య (60) చిలకలూరిపేట పట్టణంలోని ఆర్టీసీ గ్యారేజీలో వాటర్ సర్వీసింగ్ పని చేస్తుంటాడు. ఆదివారం తెల్లవారుజామున ఆయన అనారోగ్యానికి (బ్రెయిన్ స్ట్రోక్) గురయ్యాడు. చికిత్స కోసం నిమిత్తం యడ్లపాడు ప్రైవేటు వైద్యశాలలో చేర్పించారు. చికిత్స పొందుతూ సోమవారం మృతి చెందాడు. భర్త మృతితో అతని భార్య చిట్టెమ్మ(55) తీవ్ర మనస్తాపానికి గురైంది. భర్త మృతి చెందిన గంటల వ్వవధిలోనే ఆమె కూడా కన్నుమూసింది.

చిట్టెమ్మ స్థానిక ప్రాథమిక పాఠశాలలో ఆయాగా పని చేస్తోంది. కొంతకాలంగా క్యాన్సర్​తో బాధపడుతున్న అమె.. చికిత్స పొందుతోంది. ఈ క్రమంలో భర్త మృతి చెందిన గంటల వ్యవధిలో చిట్టెమ్మ మృతి చెందటంతో కాలనీలో విషాదం అలుముకుంది. మృతులకు ముగ్గురు కుమార్తెలు ఉండగా.. వారందరికీ పెళ్లిళ్లు అయ్యాయి.

ఇవీ చదవండి: