tdp leaders on Crop Loss: పంట నష్టానికి ప్రభుత్వం సరైన పరిహారం ఇవ్వాలి : టీడీపీ నేతలు

Crop Damage: వర్ష ప్రభావంతో లక్షల ఎకరాల్లోని పంటలు పాడైపోయాయి. దీంతో అన్నదాత దిక్కుతోచని స్థితిలో ఉన్నాడు. ప్రభుత్వం తక్షణం స్పందించి అకాల వర్షాల కారణంగా దెబ్బ తిన్న రైతులను అదుకుని తగిన నష్ట పరిహారం ఇవ్వాలని టీడీపీ నేతలు ఎన్టీఆర్‌ జిల్లా కలెక్టర్‌కు ఫిర్యాదు చేశారు.

Crop Damage :ఇటీవల కురిసిన వర్షాలకు రైతులు తీవ్రంగా నష్టపోయారు. చేతికొచ్చిన పంట నీళ్లపాలైందని కర్షకులు కన్నీరు పెట్టుకుంటున్నారు. రాష్ట్ర వ్యాప్తంగా పడిన వర్షానికి పెట్టిన పెట్టుబడి కూడా తిరిగిరాదని అన్నదాతలు ఆవేదన వ్యక్తం చేస్తున్నారు. అకాల వర్షాల కారణంగా రైతు కష్టం నీళ్లలో తడిసిపోయింది. ఆ నష్టాన్ని గుర్తించి రైతు కష్టానికి సరైన విధంగా తగిన నష్ట పరిహారం ఇవ్వాలని టీడీపీ నాయకులు విజయవాడలో ఎన్టీఆర్‌ జిల్లా కలెక్టర్‌కు ఫిర్యాదు చేశారు.

TDP Leaders On Crop Loss Compensation: అకాల వర్షాల కారణంగా పంట దెబ్బ తిన్న రైతులను అదుకుని తగిన నష్ట పరిహారం ఇవ్వాలంటూ టీడీపీ నేతలు ఎన్టీఆర్‌ జిల్లా కలెక్టర్‌కు ఫిర్యాదు చేశారు. ఈ కార్యక్రమంలో మాజీమంత్రి దేవినేని ఉమా, మాజీమంత్రి నెట్టం రఘురాం, టీడీపీ నేత శ్రీరాం తాతయ్యలు పాల్గొన్నారు. అనంతరం మీడియాతో మాట్లాడుతూ.. రాష్ట్రవ్యాప్తంగా అకాల వర్షాలతో లక్షలాది ఎకరాల్లో పంట నష్టం జరిగిందని.. కానీ ప్రభుత్వం మాత్రం 60 వేల ఎకరాల్లో 34 కోట్లు మాత్రమే నష్టం జరిగిందని చెప్పడమంటే తప్పించుకోవడమే అని నేతలు ఆరోపించారు. దాంతో పాటు పక్క రాష్ట్రాల నుంచి దళారులు వచ్చి రైతుల వద్ద నుంచి మొక్కజొన్నను తక్కువ ధరకు కొనుక్కెళ్తున్నారని తెలిపారు. ఇంకా మిగతా పంటలైన జొన్న, మిర్చి, కూరగాయ పంటలను పట్టించుకునేవారు లేరు.

రైతుల కోసం పోరాటాలు చేస్తుంటే మేము అక్రమ సమూహంగా ఏర్పడి, ప్రజా శాంతికి భంగం కలిగిస్తున్నామని మాపై తప్పుడు కేసులు పెడుతున్నారని నేతలు విమర్శించారు. దీంతో ప్రశ్నించే గొంతులను నొక్కేస్తున్నారు. జీవో నెంబర్ 1 ని వెంటనే అమలు చేయాలని సిగ్గు లేకుండా ముఖ్యమంత్రి తాడేపల్లి ప్యాలెస్ లో సమీక్షలు చేస్తున్నారని మండిపడ్డారు. రాష్ట్రంలో ఉన్న ఆర్.బి.కె కేంద్రాలన్నీ బోగస్ కేంద్రాలే అని అన్నారు. గత ప్రభుత్వాలు ముందు చూపుతో ఉండి వర్షాలపై సమీక్షలు నిర్వహించి రైతులకు సూచనలు ఇచ్చారు. అలాగే ఈ విధంగా ఎప్పుడు కూడా రైతులని నిర్లక్ష్యం చేసిన దాఖలు లేదని అన్నారు. ప్రకృతి వైపరీత్యాలను ప్రజలకు తెలపడంలో ప్రభుత్వం పూర్తిగా వైఫల్యం చెందిందని విమర్శించారు. పంట నష్టంతో పాటుగా పిడుగు పాటుకు గురై మరణించిన వారికి కూడా 25 లక్షలు నష్ట పరిహారం ఇవ్వాలని డిమాండ్‌ చేశారు. గత్యంతరం లేక రైతులు పక్క రాష్ట్రాలకు వెళ్లి అమ్ముకోవాల్సిన పరిస్థితి ఏర్పడిందని నేతలు ఆవేదన వ్యక్తంచేశారు.

ఇవీ చదవండి: