జనసేన నేత కిరణ్‌రాయల్‌కు హైకోర్ట్​లో ఊరట

Jana Sena Kiran Royal vs R.K.Roja: రాష్ట్ర పర్యాటకశాఖ మంత్రి రోజాపై.. అనుచిత వ్యాఖ్యలు చేశారనే ఓ వ్యక్తి ఫిర్యాదు మేరకు.. నగరి పోలీసులు జనసేన నేత కిరణ్‌రాయల్‌తో పాటు మరికొందరిపై కేసు నమోదు చేశారు. ఆ కేసును కొట్టివేయాలని కోరుతూ కిరణ్‌రాయల్‌ హైకోర్టులో వ్యాజ్యం వేశారు.

Jana Sena Kiran Royal vs R.K.Roja: తిరుపతి జనసేన నేత కిరణ్​రాయల్​కు చెందిన సెల్​ఫోన్​లోని సమాచారాన్ని.. బయటకు తీయవద్దని ఫోరెన్సిక్‌ ల్యాబోరేటరీ, తిరుపతి పోలీసులను హైకోర్టు ఆదేశించింది. పూర్తి వివరాలు సమర్పించాలని పోలీసులకు ఆదేశిస్తూ..విచారణను డిసెంబర్2కు వాయిదా వేసింది. మంత్రి రోజాపై అనుచిత వ్యాఖ్యలు చేశారనే ఆరోపణలతో..కిరణ్​రాయల్​తో పాటు మరికొందరిపై నగరి పోలీసులు కేసు నమోదు చేశారు.

ఆ కేసును కొట్టివేయాలని కోరుతూ.. కిరణ్ హైకోర్టులో వ్యాజ్యం వేశారు. వాదనలు విన్న ధర్మాసనం తమ అనుమతి లేకుండా ముందుకెళ్లొద్దని ఆదేశించింది. ఈ మేరకు న్యాయమూర్తి జస్టిస్‌ ఆర్‌.రఘునందన్‌రావు ఉత్తర్వులిచ్చారు. కిరణ్​రాయల్ నుంచి పోలీసులు స్వాధీనం చేసుకున్నసెల్‌ ఫోన్‌.. మెజిస్ట్రేట్‌ కోర్టు ఆధీనంలో ఉందని పిటీషనర్ తరుపున న్యాయవాది జడ శ్రావణ్ కోర్టుకు తెలిపారు.

ఇవీ చదవండి: