Four Members Jailed in Fake Passport Case: నకిలీ పాస్పోర్టు కేసులో నలుగురు బంగ్లాదేశీయులకు విజయవాడ అదనపు జిల్లా న్యాయస్థానం 14నెలల జైలు శిక్ష విధించింది. ఈ మేరకు విజయవాడ ఎనిమిదో అదనపు జిల్లా న్యాయస్థానం న్యాయమూర్తి డి. లక్ష్మి గురువారం తీర్పునిచ్చారు. విజయవాడ నగరంలోని సత్యనారాయణపురం పోలీస్ స్టేషన్లో విధులు నిర్వహిస్తున్న అప్పటి ఇంచార్జ్ ఇన్స్పెక్టర్ లక్ష్మీనారాయణకు వచ్చిన సమాచారం మేరకు.. సిబ్బందితో కలిసి 2021, జులై 2వ తేదీ రాత్రి విజయవాడ రైల్వేస్టేషన్లో తనిఖీలు నిర్వహించారు.
నకిలి పాస్పోర్టు కేసు.. నలుగురు బంగ్లాదేశీయులకు జైలు శిక్ష
Fake Pass Port: విజయవాడలో నకిలి పాస్పోర్టు కేసులో నలుగురు బంగ్లాదేశ్ జాతీయులకు విజయవాడ అదనపు జిల్లా న్యాయస్థానం జైలు శిక్ష విధించింది. నకిలీ పాస్పోర్టుతో బంగ్లాదేశ్ నుంచి అక్రమంగా సరిహద్దులోకి ప్రవేశించారనే అభియోగంతో పోలీసులు విచారించగా.. నిజమని తేలటంతో న్యాయస్థానం జైలు శిక్ష విధించింది.
నలుగురు బంగ్లాదేశీయులకు జైలు శిక్ష
హాన్హా- వాస్కోడిగామా రైలులో నలుగురు వ్యక్తులు పోలీసులకు అనుమానాస్పదంగా కనిపించారు. వారిని విచారించగా అసలు విషయం బయటపడింది. నకిలీ పాస్పోర్టుతో బంగ్లాదేశ్ నుంచి అక్రమంగా సరిహద్దులోకి ప్రవేశించారని అభియోగంతో.. బంగ్లాదేశీయులైన మహ్మద్ హుస్సేన్ (33), హైదర్ అలీఖాన్ (37), ఇందా యాల్బాన్(21), సైపుల్లా షేక్ (25) లను పోలీసులు అరెస్టు చేశారు. అనంతరం వారిని న్యాయస్థానంలో హాజరుపరిచారు. ఈ కేసులో నలుగురు నిందితులపై నేరారోపణ రుజువు కావడంతో 14 నెలల జైలు శిక్ష విధిస్తూ న్యాయమూర్తి తీర్పులో పేర్కొన్నారు.
ఇవీ చదవండి: