Wishes to RRR Team: ఆర్ఆర్ఆర్ సినిమా విశిష్ట పురస్కారం అందుకోవటం ఆనందంగా ఉందని తెలుగుదేశం అధినేత చంద్రబాబు హర్షం వ్యక్తం చేశారు. ఒరిజినల్ సాంగ్ విభాగంలో గోల్డెన్ గ్లోబ్ అవార్డు గెలుచుకోవటం గర్వకారణమని అభినందించారు. కీరవాణి, రాజమౌళితో పాటు చిత్రబృందానికి తన శుభాభినందనలు తెలిపారు. తాను గతంలో చెప్పినట్లు తెలుగు భాష భారతీయ సాఫ్ట్ పవర్గా మారుతోందని చంద్రబాబు ట్వీట్ చేశారు.
Jagan Mohan Reddy: ఆర్ఆర్ఆర్ చిత్ర బృందానికి, కీరవాణికి ముఖ్యమంత్రి జగన్ అభినందనలు తెలియజేశారు. విశ్వ యవనికపై తెలుగు పతాకం సగర్వంగా ఎగిరిందని కొనియాడారు. మీ అద్భుత విజయానికి గర్వపడుతున్నాం అని అన్నారు.
Venakaiah Naidu : మాజీ ఉపరాష్ట్రపతి వెంకయ్య నాయుడు ఆర్ఆర్ఆర్ చిత్ర బృందానికి శుభాకాంక్షలు తెలియజేశారు. గోల్డెన్ గ్లోబ్ అవార్డు రావడం ప్రతి భారతీయుడికి గర్వకారణమని అన్నారు. అవార్డు అందుకున్న సంగీత దర్శకుడు కీరవాణికి అభినందనలు తెలిపారు.