తెదేపాలోకి వైకాపా నేత మురళీకృష్ణ

సీట్లు ఆశించి భంగపడ్డ నేతలంతా పార్టీలు మారుతున్నారు. కర్నూలు జిల్లా కోడుమూరు నియోజకవర్గ మాజీ ఎమ్మెల్యే, వైకాపా నేత మురళీకృష్ణకు ఈసారి సీటు దక్కకపోవడంతో సైకిలెక్కారు. కోట్ల సూర్యప్రకాశ్ రెడ్డి సమక్షంలో టీడీపీ తీర్థం పుచ్చుకున్నారు.

కర్నూలు జిల్లా కోడుమూరు నియోజకవర్గ మాజీ ఎమ్మెల్యే, వైకాపా నేత మురళీకృష్ణ తెలుగుదేశం పార్టీలో చేరారు. వైకాపా తరఫున కోడుమూరు సీటును ఆశించి భంగపడి వైకాపాకు రాజీనామా చేసినట్లు మురళీకృష్ణ తెలిపారు. కోట్ల సూర్యప్రకాశ్ రెడ్డి కండువా కప్పి పార్టీలోకి ఆహ్వానించారు. కోడుమూరులో తెదేపా గెలుపునకు కృషి చేస్తానని మురళీకృష్ణ ప్రకటించారు.