క్వారంటైన్కు వెళ్లనని సచివాలయ సిబ్బంది, పోలీసులతో వాగ్వాదానికి దిగిన వాలంటీర్
కర్నూలు జిల్లా ఆదోనిలో వాలంటీర్కు కరోనా పాజిటివ్గా నిర్ధారణ అయ్యింది. క్వారంటైన్లో ఉండాలని వైద్యులు సూచించారు. అయినా అతను ఇంట్లో ఉండకుండా బయట తిరుగుతున్నాడని కాలనీవాసులు.. అధికారులకు ఫిర్యాదు చేశారు. దీంతో అప్రమత్తమైన సచివాలయ సిబ్బంది, పోలీసులు.. వాలంటీర్ ఇంటికి వెళ్లారు. వారితో అతను వాగ్వాదానికి దిగాడు. ఎంతో సేపటికి అంబులెన్స్లో కాకుండా.. ద్విచక్రవాహనంలో క్వారంటైన్ సెంటర్కు వెళ్తానని అధికారులకు చెప్పాడు. అప్పుడు అతన్ని ఐసోలేషన్ కేంద్రానికి పంపించారు. దీంతో కాలనీవాసులు ఊపిరి పీల్చుకున్నారు.