శ్రీశైలం ఘాట్​రోడ్డు ప్రమాద మృతదేహాలు.. ఉస్మానియాకు తరలింపు

మంగళవారం రాత్రి శ్రీశైలం సమీపంలో జరిగిన రోడ్డు ప్రమాదంలో పది మంది గాయపడగా... వీరిలో ఇద్దరు మహిళలు చికిత్స పొందుతూ మృతి చెందారు. మృతదేహాలను పోస్టుమార్టం నిమిత్తం హైదరాబాద్ ఉస్మానియా మార్చురీకి తరలించారు.

మంగళవారం రాత్రి శ్రీశైలం సమీపంలో జరిగిన ఘోర రోడ్డు ప్రమాదంలో ఇద్దరు మృతి చెందారు. తెలంగాణ నాగర్​కర్నూలు జిల్లా అమ్రాబాద్​ మండలం ఈగలపెంట వద్ద ఓ వ్యాన్​ సుమారు 50 అడుగుల లోయలో పడిపోయింది. ఈ ఘటనలో 10 మందికి తీవ్రగాయాలు కాగా... వీరిలో ఇద్దరు చికిత్స పొందుతూ మరణించారు.

మృతులు నీతూ భాయ్, రాజకుమారి భాయ్​గా పోలీసులు గుర్తించారు. మృతదేహాలను పోస్టుమార్టం నిమిత్తం ఉస్మానియా మార్చురీకి తరలించారు. వీరంతా ఒకే కుటుంబానికి చెందినవారు కాగా... బాధితులు హైదరాబాద్​లోని దూల్​పేట్​కు చెందిన వారిగా పోలీసులు గుర్తించారు.