కర్నూలు జిల్లా నంద్యాలలో దొంగల అరెస్టు

పలు దుకాణాల్లో చోరీ చేసే ఇద్దరు దొంగలను నంద్యాల పోలీసులు పట్టుకున్నారు. నిందితుల నుంచి రూ.3 లక్షలు స్వాధీనం చేసుకున్నారు.

కర్నూలు జిల్లా నంద్యాలలో... దుకాణాల్లో చోరికి పాల్పడే ఇద్దరు దొంగలను రెండోపట్టణ పోలీసులు పట్టుకున్నారు. తెలంగాణలోని హైదరాబాద్ ఎస్ఆర్​నగర్​కు చెందిన బుర్ర శ్రీనివాస గౌడ్, కడప జిల్లా రాయచోటికి చెందిన నాగూర్ బాషా అనే వ్యక్తులను పోలీసులు అరెస్టు చేశారు. కర్నూలు, చిత్తూరు జిల్లాలోని 14 దుకాణాల్లో వీరిద్దరు చోరి చేశారు. హైదరాబాద్​లో వీరిపై హత్యకేసు నమోదైంది. ఇటీవల రూ.7.50 లక్షల సొమ్మును అపహరించగా... అందులో రూ.3.50 లక్షల సొత్తు రికవరీ చేసినట్లు నంద్యాల డీఎస్పీ చిదానందరెడ్డి తెలిపారు.

ఇదీచూడండి.కర్నూలు రోడ్డు ప్రమాదంలో మరణించిన పెళ్లికూతురు