కర్నూలు జిల్లా కోడుమూరు మండలం రామాపురం ప్రాథమిక పాఠశాల రెండేళ్ల క్రితం శిథిలావస్థకు చేరింది. విద్యార్థుల చదువు మధ్యలో నిలిచిపోకూడదనే ఉద్దేశంతో గ్రామస్థులు.. స్థానిక రామాలయంలో పాఠశాల కొనసాగించాలని నిర్ణయించారు. అప్పటినుంచి పిల్లల చదువు, ఆటలన్నీ దేవాలయంలోనే సాగుతున్నాయి. దీంతో గుడికి వచ్చే భక్తులకు ఇబ్బందులు ఎదురవుతున్నాయి. విద్యార్థులకూ అదే పరిస్థితి. పాఠశాలను పునర్నిర్మించాలని మండల విద్యాధికారికి వినతిపత్రం ఇచ్చామని గ్రామస్థులు చెప్తున్నారు. బడిని త్వరగా నిర్మించి విద్యార్థుల భవిష్యత్తును నిలబెట్టాలని కోరుతున్నారు.
రామాపురంలో గుడే బడి