కర్నూలు జిల్లా ఎమ్మిగనూరు మండలంలోని సిరాళ్లదొడ్డి విద్యుత్తు కేంద్రంలో ఇంజనీర్గా పని చేస్తున్న సుష్మా(25) అనే వివాహిత పాదరసం తాగి ఆత్మహత్య చేసుకుంది.
ఏం జరిగింది..
సుష్మాకు కర్నూలు జిల్లా కోడుమూరు మండలంలోని పులకుర్తి బ్యాంక్ మేనేజర్గా పనిచేస్తున్న కిషోర్ కుమార్తో ఈ ఏడాది మే నెల 30వ తేదీ వివాహం జరిగింది. అమ్మాయి తండ్రి తిమ్మప్ప విద్యుత్తు శాఖలో లైన్మెన్గా పని చేస్తున్నాడు. కుమార్తె కూడా అదే విద్యుత్శాఖలో ఇంజనీర్గా ఉద్యోగం చేస్తుండటంతో ఆనందపడ్డారు.
అయితే కిషోర్ కుమార్ కర్నూలులో కాపురం పెడదామంటే.. అందుకు సుష్మా అంగీకరించలేదు. ఎమ్మిగనూరులో కాపురం పెడదామని చెప్పింది. దాంతో భార్యాభర్తల మధ్య మనస్పర్ధలు తలెత్తాయి. క్షణికావేశంలో పాదరసం తాగి ఆత్మహత్య చేసుకుంది. ఇద్దరూ మంచి ఉద్యోగాలు చేస్తూ.. చిన్నపాటి వివాదానికే బలవన్మరణానికి పాల్పడటంతో తల్లిదండ్రులు, భర్త కన్నీరుమున్నీరుగా విలపిస్తున్నారు. పోలీసులు కేసు నమోదు చేసుకుని దర్యాప్తు చేస్తున్నారు.
ఇదీ చదవండి:
Robbery in locked home : ఇంటికి కన్నం వేసి.. ఇల్లంతా కారం చల్లిపోయారు