కర్నూలు జిల్లా వెల్దుర్తికి చెందిన గృహిణి వాసవి.. తన మూడు సంవత్సరాల కుమారుడితో కలిసి ఆత్మహత్యాయత్నానికి పాల్పడింది. నగరంలోని బళ్లారి చౌరస్తా వద్ద ఉన్న ఫ్లైఓవర్ పైనుంచి దూకిన ఆమెను.. సమీపంలోనే ఉన్న పోలీసులు గమనించారు.
గాయపడిన ఇద్దరిని... వెంటనే ప్రభుత్వ ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు చేస్తున్నారు. వాసవి భర్త విశ్వనాథరెడ్డి ఓ బ్యాంకులో ఉద్యోగం చేస్తున్నారు. కుటుంబ కలహాలే.. ఆత్మహత్యాయత్నానికి కారణంగా పోలీసులు భావిస్తున్నారు.