ప్రధానోపాధ్యాయుడికి కరోనా.. పాఠశాలను శానిటైజ్ చేయకుండానే పాఠాలా?

ఓ పాఠశాల ప్రధానోపాధ్యాయుడికి కరోనా సోకినా.. ఇతర సిబ్బంది యథావిధిగా విద్యార్థులకు పాఠాలు బోధిస్తున్నారు. కర్నూలు జిల్లా ఆదోని మండలం బసాపురంలో ఈ ఘటన జరిగింది. కనీసం తరగతి గదులు శానిటైజ్​ చేయలేదని విద్యార్థుల తల్లిదండ్రులు ఆందోళన వ్యక్తం చేస్తున్నారు.

కర్నూలు జిల్లాలోని ఓ పాఠశాలలో కరోనా కలకలం సృష్టిస్తోంది. ఆదోని మండలం బసాపురంలోని ఓ పాఠశాల ప్రధానోపాధ్యాయుడికి శనివారం కొవిడ్ నిర్ధరణ అయ్యింది. ఈ విషయంపై పాఠశాల సిబ్బందికి ఆయన నిన్నటి వరకు సమాచారం ఇవ్వలేదని ఆరోపణలు వినిపిస్తున్నాయి.

ఇవాల్టి పరిస్థితి చూస్తే.. కరోనా నిబంధనలు పాటించకుండా ఉపాధ్యాయులు యథావిధిగా విద్యార్థులకు పాఠాలు బోధిస్తున్నారు. తరగతి గదులను శానిటైజ్ చేయకుండా నిర్లక్ష్యంగా వ్యవహరిస్తున్నారు. ఈ ఘటనపై ఉన్నతాధికారులు స్పందించి పాఠశాల మూసివేయాలని గ్రామస్థులు కోరుతున్నారు.

ఇదీ చదవండి: