కర్నూలు కలెక్టర్ కార్యాలయం ఎదుట వైద్య సిబ్బంది ఆందోళన

కర్నూలు జిల్లా కలెక్టర్ కార్యాలయం ముందు వైద్య సిబ్బంది ఆందోళన చేశారు. కరోనా సమయంలో సేవలందించేందుకు నియమించి.. వైరస్​ తగ్గుముఖం పడుతుండటంతో విధుల నుంచి తొలగింటం సరైంది కాదని ఆవేదన వ్యక్తం చేశారు.

కొవిడ్​ సమయంలో విధుల్లో నియమించి..ప్రస్తుతం తొలగించటాన్ని వ్యతిరేకిస్తూ వైద్య సిబ్బంది కర్నూలు కలెక్టర్ కార్యాలయం వద్ద ఆందోళన నిర్వహించారు. కరోనా వ్యాప్తి ఎక్కువగా ఉన్నప్పుడు ఉద్యోగులు సైతం విధులు నిర్వహించేందుకు భయాందోళన చెందారు. అలాంటి పరిస్థితుల్లో ల్యాబ్ టెక్నిషియన్లుగా ప్రజలకు సేవ చేశామని సిబ్బంది పేర్కొన్నారు. వైరస్​ వ్యాప్తి తగ్గుతుండటంతో తమను ఉద్యోగం నుంచి తొలగించటం సరైంది కాదని వాపోయారు. ప్రభుత్వం స్పందించి.. తమకు న్యాయం చేయాలని కోరారు.

ఇదీ చదవండి:డీఈవో కార్యాలయాన్ని ముట్టడించిన ఉపాధ్యాయులు