నాగార్జునసాగర్ - శ్రీశైలం టైగర్‌ రిజర్వు (ఎన్ఎస్టీఆర్)లో 2018లో బ్లాక్‌-1లో 46 ఉన్న పెద్దపులుల సంఖ్య... ప్రస్తుతం 63కు పెరిగిందని కర్నూలు- కడప జిల్లాల అటవీ సంరక్షణాధికారి రామకృష్ణ వెల్లడించారు. కర్నూలు జిల్లా శిరివెళ్ల మండలం పచ్చర్ల పర్యాటక విడిది కేంద్రంలో నాలుగో విడత పర్యవేక్షణ, ట్రాప్‌ కెమెరాల పనితీరుపై కింది స్థాయి సిబ్బంది, అటవీశాఖ అధికారులకు శుక్రవారం ఆయన అవగాహన కల్పించారు.
ఈ సందర్భంగా మాట్లాడుతూ ఎన్‌ఎస్‌టీఆర్‌లోని ఉన్న గుండ్లబ్రహ్మేశ్వర వన్యప్రాణి అభయారణ్యంలో మార్చి 15 నుంచి ఏప్రిల్‌ 30 వరకు (45 రోజులు) ట్రాప్‌ కెమెరాల ద్వారా శాస్త్రీయ గణన చేపట్టనున్నట్లు చెప్పారు. పులుల గణనకు ట్రాప్‌ కెమెరాలను సిబ్బంది సిద్ధంగా ఉంచుకోవాలన్నారు.