కేఈ ప్రతాప్ ఇంట్లో పోలీసుల సోదాలు
కర్నూలులో నకిలీ మద్యం కేసులో నిందితుల ఇళ్లల్లో పోలీసులు సోదాలు నిర్వహించారు. మాజీ ఉప ముఖ్యమంత్రి కేఈ కృష్ణమూర్తి సోదరుడు కేఈ ప్రతాప్ ఇంట్లో పోలీసులు భారీ బలగాలతో సోదాలు నిర్వహించారు. గతేడాది డిసెంబర్లో డోన్ మండలం ఉడుములపాడు గ్రామంలో నకిలీ మద్యం దొరికింది. ఈ కేసును లోతుగా దర్యాప్తు చేయగా... కేఈ ప్రతాప్ హస్తం ఉన్నట్లు నిర్ధరించిన పోలీసులు ఆయనపై కేసు నమోదు చేశారు. ఈ కేసులో మొత్తం 36 మందిపై కేసు నమోదు చేశారు. ఈ నేపథ్యంలో ప్రతాప్ ఇంట్లోనూ సోదాలు నిర్వహించినట్లు పోలీసులు తెలిపారు. ప్రతాప్ స్వగృహంలో 25 ఖాళీ క్యాన్లను గుర్తించి వాటిని స్వాధీనం చేసుకున్నారు.