అక్కాతమ్ముడు కిడ్నాప్ కేసును ఛేదించిన పోలీసులు

కర్నూలు జిల్లాలో అక్కాతమ్ముడిని కిడ్నాప్ చేసిన కేసును పోలీసులు ఛేదించారు. మోకానిక్​గా పని చేస్తున్న హనీఫ్ పిల్లలను తీసుకెళ్లినట్లు గుర్తించిన పోలీసులు నిందితుడిని అదుపులోకి తీసుకున్నారు.

చిన్న పిల్లలను కిడ్నాప్ చేసిన కేసులో నిందితుడిని కర్నూలు పోలీసులు అరెస్ట్​ చేశారు. ఈనెల 23న స్వామిరెడ్డి నగర్​కు చెందిన అక్కాతమ్ముడు ఇంటి ముందు ఆడుకుంటుండగా చాక్లెట్ కొనిస్తానని గుర్తుతెలియని వ్యక్తి తీసుకొని వెళ్లాడు. గమనించిన స్థానికులు తల్లిదండ్రులకు సమాచారం ఇవ్వటం.. వారు పోలీసులకు ఫిర్యాదు చేశారు. పిల్లలను నిందితుడు ద్విచక్రవాహనంపై తీసుకెళ్తుండగా.. బాలిక ఏడవటంతో భయపడిన నిందితుడు పాపను మద్దురునగర్​లో వదిలివెళ్లాడు. గమనించిన స్థానికుడు పాపను పోలీసులకు అప్పగించాడు. నగరంలో మోకానిక్​గా పని చేస్తున్న హనీఫ్ పిల్లలను తీసుకెళ్లినట్లు పోలీసులు గుర్తించారు. నిందితుడు మద్యం సేవిస్తే మతిస్థిమితం కోల్పోతాడని... అతనికి చిన్న పిల్లలను ఆడించే అలవాటు ఉన్నట్లు తమ విచారణలో తెలిసిందని డీఎస్పీ తెలిపారు.

ఇవీ చూడండి...