పలు రాష్ట్రాల్లోని దుకాణాల్లో దొంగతనాలకు పాల్పడుతున్న మల్లేశ్ అనే వ్యక్తిని పోలీసులు అరెస్ట్ చేశారు. కర్నూలు జిల్లా రుద్రవరం మండలం పందిర్లపల్లే గ్రామానికి చెందిన అతను సొంత రాష్ట్రంలోనే కాక కర్ణాటక, తెలంగాణలోనూ చోరీలు చేస్తున్నాడు. ఆయా పోలీసు స్టేషన్ల పరిధిలో అతనిపై కేసులు నమోదయ్యాయి.
కొద్దిరోజులుగా స్వగ్రామంలో ఉంటున్న మల్లేశ్ ఇటీవల మహానంది మండలం గాజులపల్లెలోని ఎరువుల దుకాణంలో చోరీ చేశాడు. నాగేష్ అనే వ్యక్తి సాయంతో షాపులోకి చొరపడి రూ.15,000 నగదు కాజేశాడు. ఈ దృశ్యాలు సీసీ కెమెరాల్లో రికార్డు అయ్యాయి. వాటి ఆధారంగా దొంగలను గుర్తించి అరెస్టు చేసినట్లు నంద్యాల పోలీస్స్టేషన్ సీఐ మల్లికార్జున ప్రసాద్ తెలిపారు.