ఆళ్లగడ్డలో పింఛన్ లబ్దిదారుల కష్టాలు
పింఛన్ల పున:పరిశీలనలో భాగంగా కర్నూలు జిల్లా ఆళ్లగడ్డలో 63 మంది పేర్లను చనిపోయిన వారి జాబితాలో చేర్చారు. దీంతో లబ్దిదారులకు పింఛన్లు అందక తీవ్ర అవస్థలు ఎదుర్కొంటున్నారు. తాము బతికే ఉన్నామని, అకారణంగా తమను చనిపోయిన వారి జాబితాలో చేర్చారని ఆవేదన చెందుతున్నారు. ఈ విషయమై వాలంటీర్లకు ధ్రువపత్రాలు ఇస్తూ అధికారులకు వినతి పత్రం అందజేస్తున్నారు. సిబ్బంది తప్పిదాల వల్ల పొరపాట్లు జరిగాయని, వెంటనే పరిశీలించి అర్హులైన వారికి పింఛన్లు అందిస్తామని అధికారులు తెలిపారు.