కర్నూలు మార్కెట్​లో తగ్గిన ఉల్లి ధరలు

కర్నూలు వ్యవసాయ మార్కెట్​లో ఉల్లి ఘాటు కొంచెం తగ్గింది. నిన్నటి వరకూ రూ.13 వేలు పలికిన క్వింటా ఉల్లి నేడు రూ.9 వేల దిగువకు చేరింది. ఇతర రాష్ట్రాలకు ఎగుమతి అవుతున్న ఉల్లి లారీలపై అధికారుల దాడుల చేయడం వల్ల ఉల్లి ధరలు తగ్గాయని రైతులు అంటున్నారు.

కర్నూలు వ్యవసాయ మార్కెట్​లో ఉల్లి ధరలు కాస్త తగ్గుముఖం పట్టాయి. నిన్నటి వరకు క్వింటా ఉల్లి గరిష్టంగా 13 వేల వరకూ పలికాయి. ఈరోజు ధర 9 వేల దిగువకు చేరుకుంది. ఉల్లి ధరలు ఒక్కసారిగా పడిపోవటం వలన రైతులు ఆందోళన చెందుతున్నారు. ఉల్లి ఎగుమతిని అధికారులు అడ్డుకోవడం వల్ల ధర తగ్గిందని రైతులు అంటున్నారు. కొందరు రైతులు అధిక ధర కోసం ఉల్లిని హైదరాబాద్​కు తరలిస్తున్నారని, అటువంటి ఎగుమతులను అనుమతించమని అధికారులు తెలిపారు. ప్రభుత్వం తరఫున రైతుబజార్​లలో ఉల్లి కొనుగోలు చేస్తున్నామని అధికారులు వెల్లడించారు. శుక్రవారం రాష్ట్ర సరిహద్దుల్లో ఉల్లి లారీలపై దాడులు చేసినందుకు.. వ్యాపారుల నుంచి కొనుగోలు తగ్గిందని అందువలన ఉల్లి ధరలు తగ్గాయని అధికారులు తెలిపారు.

ఇదీ చదవండి :