2019 సెప్టెంబరు 15.. తూర్పుగోదావరి జిల్లా దేవీపట్నం మండలం కచ్చులూరు వద్ద గోదావరిలో బోటుపై ప్రయాణిస్తున్నారు. ఉన్నట్టుండి బోటు నీటిలో తిరగబడింది. ఈ ప్రమాదంలో 51 మంది ప్రాణాలు కోల్పోయారు. వారిలో కర్నూలు జిల్లా నంద్యాలకు చెందిన బాచిరెడ్డి మహేశ్వరరెడ్డి దంపతులు, వారి ఇద్దరు పిల్లలు జలసమాధి అయ్యారు.
బోటు ప్రమాదంలో ప్రాణాలు కోల్పోయిన కుటుంబం
వీరిలో ముగ్గురి మృతదేహాలు లభ్యం కాగా, విఖ్యాతరెడ్డి మృతదేహం మాత్రం ఇప్పటికీ దొరకలేదు. వృద్ధాప్యంలో ఉన్న వారి తల్లిదండ్రుల వేదన వర్ణనాతీతంగా మారింది. కుమారుడు, కోడలు, మనవళ్ల చిత్రాలు చూస్తూ కన్నీటి పర్యంతమవుతూ కాలం వెళ్లదీస్తున్నారు.