శివాలయంలోని నంది విగ్రహం అపహరణ

కర్నూలు జిల్లా సి బెళగల్ మండలం ఇనగండ్ల శివాలయంలోని నంది విగ్రహాన్ని కొంతమంది గుర్తుతెలియని వ్యక్తులు దొంగలించారు. ఈ సందర్భంగా నేరస్తులు ఎంతటివారైనా కఠినంగా శిక్షించాలని పోలీసులను కోడుమూరు నియోజకవర్గ భాజపా నేత ప్రేమ్ కుమార్ కోరారు.

కర్నూలు జిల్లా సి బెళగల్ మండలం ఇనగండ్ల శివాలయంలో గర్భగుడికి ఎదురుగా ఉన్న నంది విగ్రహాన్ని శుక్రవారం అర్ధరాత్రి కొంత మంది గుర్తు తెలియని వ్యక్తులు అపహరించారు. విషయం తెలుసుకున్న స్థానికులు శనివారం ఉదయం గ్రామంలో దండోరా వేయించారు. ఈ సందర్భంగా శివాలయంలోని అపహరణకు గురైన నంది విగ్రహం ప్రాంతాన్ని కోడుమూరు నియోజకవర్గ భాజపా నేత మీసాల ప్రేమ్ పరిశీలించారు. అనంతరం సి.బెళగల్ పోలీసులకు ఫిర్యాదు చేశారు. నేరస్తులు ఎంతటివారైనా కఠినంగా శిక్షించాలని ప్రేమ్ కుమార్ కోరారు.

ఇదీ చదవండి: