MURDER: పందులను దొంగిలించబోయారు.. అడ్డుకోబోతే యువకుడిని చంపేశారు!

10:51 January 09

పందుల దొంగతనాన్ని అడ్డుకునేందుకు యత్నించిన యువకుడి హత్య

కర్నూలు జిల్లా ఆదోనిలో పందుల దొంగలు బీభత్సం సృష్టించారు. అర్ధరాత్రి సమయంలో గుర్తు తెలియని వ్యక్తులు పందుల దొంగతనానికి పాల్పడ్డారు. తమతో పాటు తెచ్చుకున్న బొలెరో వాహనంలోకి పందులను ఎక్కించి పారిపోయారు. విషయం గుర్తించిన సురేష్ అనే యువకుడు ద్విచక్ర వాహనంపై వారిని వెంబడించాడు. ఎక్కడ దొరికిపోతామోనన్న భయంతో... దొంగలు తమ వాహనంతో యువకుడి బైక్​ను ఢీకొట్టారు. తీవ్ర గాయాలపాలైన సురేష్.. అక్కడికక్కడే మృతి చెందాడు.

విషయం గుర్తించిన దుండగులు వాహనాన్ని అక్కడే వదిలేసి పారిపోయారు. స్థానికుల ద్వారా విషయం తెలుసుకున్న పోలీసులు.. ఘటనాస్థలానికి చేరుకొని కేసు నమోదు చేసుకున్నారు. పోస్టు మార్టం నిమిత్తం మృతదేహాన్ని స్థానిక ప్రభుత్వాసుపత్రికి తరలించారు.

ఇదీ చూడండి:MAOIST ARREST: మావోయిస్టు ఏరియా క‌మిటీ స‌భ్యుడు అరెస్ట్‌