Shoxk to YSRCP MLA: కర్నూలు జిల్లా ఆదోని వైకాపా ఎమ్మెల్యే సాయి ప్రసాద్ రెడ్డికి.. ఓ వృద్ధురాలు షాక్ ఇచ్చారు. 'గడప గడప మన ప్రభుత్వం' కార్యక్రమంలో భాగంగా 17వ వార్డులో ఎమ్మెల్యే పర్యటించారు. ప్రభుత్వం మీకు ఇన్ని సంక్షేమ పథకాలు అందించిందంటూ వృద్ధురాలి ముందు చిట్టా విప్పారు ఎమ్మెల్యే. కరపత్రంలో ఉన్న పథకాలను పొల్లు పోకుండా చదివారు. అంకెలను విడమర్చి మరీ వివరించారు. అన్నీ అయిపోయాక ఓటెవరికేస్తావ్ అని ఎమ్మెల్యే అడగ్గా.. చంద్రబాబుకు వేస్తానని ఆ వృద్ధురాలు చెప్పేసింది. ఇక అంతే ఎమ్మెల్యే సాయిప్రసాద్‌ రెడ్డి ఒక్కసారిగా కంగుతిన్నారు. ఏం చేయాలో తెలియక తల బాదుకున్నారు. ఇంతసేపు చెప్పిందంతా వృథా అయిందంటూ ఎమ్మెల్యే అనుచరులు, కార్యకర్తలు నవ్వుకున్నారు.
వైకాపా ఎమ్మెల్యేకు వృద్ధురాలి షాక్