కర్నూలు జిల్లాలో మెగా వ్యాక్సినేషన్ కార్యక్రమం విజయవంతమైంది. జిల్లాకు 78 వేల వాక్సిన్ డోసులు అందుబాటులో ఉండగా... ఆదివారం రాత్రి 8 గంటల సమయానికి 77,805 మందికి టీకా వేశారు. ఉదయం ఆరు గంటల నుంచి రాత్రి 8 గంటల వరకు జిల్లాలో అన్ని ప్రాథమిక ఆరోగ్య కేంద్రాల్లో వ్యాక్సినేషన్ ప్రక్రియను కొనసాగించారు.
రాత్రి 8 గంటల సమయానికి 99.75 శాతం వాక్సినేషన్ నమోదైందని అధికారులు తెలిపారు. జిల్లాలో వ్యాక్సినేషన్ కార్యక్రమాన్ని విజయవంతం చేసిన అధికారులను కలెక్టర్ వీర పాండియన్ అభినందించారు.