మూకదాడులను అరికట్టాలని ప్రధానికి లేఖ రాయటం దేశ ద్రోహమా?
మూక దాడులను అరికట్టాలని ప్రధానికి లేఖ రాసిన వారిపై కేసు నమోదు చేయటం సరికాదని సీపీఎం నాయకులు అన్నారు. కర్నూలు కలెక్టర్ కార్యాలయం ఎదుట ఆ పార్టీ నేతలు నిరసన చేపట్టారు. భాజపా అధికారంలోకి వచ్చిన తర్వాత మైనార్టీ వర్గాల వారిపై దాడులు ఎక్కువవుతున్నాయని ఆరోపించారు. వివిధ రంగాలకు చెందిన 49 మంది జాతీయ ప్రముఖులు ప్రధాని నరేంద్రమోదీకి లేఖ రాశారని... దేశ ద్రోహం కేసు నమోదు చేయడం దారుణమని వాపోయారు. వీరిపై పెట్టిన కేసులను ఉపసంహరించుకోవాలని డిమాండ్ చేశారు.