ఆలయాల్లో చోరీల ముఠా అరెస్ట్.. ఆభరణాలు, నగదు స్వాధీనం

పలు ఆలయాల్లో చోరీలకు పాల్పడిన ఏడుగురు దొంగల ముఠాను కర్నూలు జిల్లా పోలీసులు పట్టుకున్నారు. వెల్దుర్తి, గోనెగండ్ల, హాలహర్విల్లోని 6 దేవాలయాల్లో వారు దోపిడీకి పాల్పడ్డారని తెలిపారు. గూడూరులో ఓ ఇంట్లో జరిగిన చోరీ కేసునూ ఛేదించినట్లు ఎస్పీ వెల్లడించారు. వారి నుంచి భారీ మొత్తంలో నగదు, నగలు స్వాధీనం చేసుకున్నామని చెప్పారు.

కర్నూలు జిల్లా ఆలయాల్లో చోరీలు సహా మరో ఇంటిలో దొంగతనం కేసును పోలీసులు ఛేదించారు. వెల్దుర్తి, గోనెగండ్ల, హాలహర్వి మండలాల్లోని 6 ఆలయాల్లో దోపిడీకి పాల్పడిన ఏడుగురిని అరెస్టు చేశారు. వీరి నుంచి లక్షా 4 వేల నగదు, 70 గ్రాముల పంచలోహ విగ్రహాలు, 80 గ్రాముల వెండి ఆభరణాలు స్వాధీనం చేసుకున్నారు.

గూడూరులో ఓ ఇంట్లో జరిగిన చోరీ కేసులో దొంగను అరెస్టు చేసి.. 16 లక్షల నగదును పోలీసులు స్వాధీనం చేసుకున్నారు. సీసీ కెమెరాల ఆధారంగా నిందితులను పట్టుకున్నట్లు కర్నూలు ఎస్పీ ఫక్కీరప్ప తెలిపారు. ఈ కేసులను ఛేదించిన పోలీసులకు ప్రశంసాపత్రాలు అందజేశారు.

ఇదీ చదవండి: