కర్నూలు జిల్లాలో మందకొడిగా పరిషత్ పోలింగ్

కర్నూలు జిల్లాలో పరిషత్ ఎన్నికలు ప్రశాంతంగా కొనసాగుతున్నాయి. ఓటర్లు లేక పోలింగ్ కేంద్రాలు వెలవెలబోతున్నాయి. ఎలాంటి అవాంఛనీయ ఘటనలు జరగకుండా పోలీసులు భద్రతా చర్యలు చేపట్టారు.

కర్నూలు జిల్లాలో ఎంపీటీసీ, జడ్పీటీసీ ఎన్నికల పోలింగ్ కొనసాగుతోంది. చాలా పోలింగ్ కేంద్రాలు.. ఓటర్లు లేక వెలవెలపోతున్నాయి. మొత్తం 36 జడ్పీటీసీ, 483 ఎంపీటీసీ స్థానాలకు ఎన్నికలు జరగనుండగా... 1785 పోలింగ్ కేంద్రాల్లో ఓటర్లు తమ ఓటు హక్కును వినియోగించుకోనున్నారు.

• ఆదోని మండలంలో పరిషత్ ఎన్నికలు కొనసాగుతున్నాయి. ఓటర్లు ఆసక్తి చూపకపోవడంతో పోలింగ్ కేంద్రాలు నిర్మానుష్యంగా మారాయి.
• నంద్యాల నియోజకవర్గంలో ఎంపీటీసీ, జడ్పీటీసీ ఎన్నికల పోలింగ్ కొనసాగుతోంది. ప్రజలు తమ ఓటు హక్కును వినియోగించుకుంటున్నారు. ఓటర్లు ఆసక్తి చూపకపోవడంతో పోలింగ్ మందకొడిగా సాగుతోంది.

ఇదీ చదవండి:తిరుపతిలో గెలుపు కోసం పార్టీల ప్రచారపర్వం