కర్నూలు జిల్లా ఎమ్మిగనూరు మండలంలోని కోటేకల్ వద్ద ఎస్ఈబీ అధికారులు దాడులు నిర్వహించారు. ఈ దాడుల్లో 11 బాక్సుల బీర్లు, 14 బాక్సుల్లో కర్ణాటక నుంచి తరలిస్తున్న మద్యాన్ని స్వాధీనం చేసుకున్నట్లు పోలీసులు తెలిపారు. రెండు ద్విచక్రవాహనాలను సీజ్ చేశామని చెప్పారు.
కర్ణాటకలో తక్కువ ధరకు మద్యం కొనుగోలు చేసి, రాష్ట్రంలోని పలు గ్రామాలకు సరఫరా చేస్తున్నట్లు గుర్తించామన్నారు. పట్టుబడిన మద్యం విలువ సుమారు లక్ష రూపాయలు ఉంటుందని సెబ్ సీఐ మహేశ్ కుమార్ తెలిపారు. గోనెగండ్ల మండలం బైలుప్పులకు చెందిన నలుగురిపై కేసు నమోదు చేశామన్నారు.