తేనెటీగల దాడితో రిజర్వాయర్ల వద్ద విధులు నిర్వహించాలంటేనే ఇంజినీర్లు హడలెత్తుతున్నారు. ప్రధానంగా పోతిరెడ్డిపాడు హెడ్‌ రెగ్యులేటర్, బనకచర్ల సముదాయం వద్ద తుట్టెలు భారీగా ఏర్పాటు చేశాయి. గేట్ల నిర్వహణకు అరకొర నిధులు కేటాయిస్తున్నారే తప్ప తేనె తుట్టెలపై దృష్టి సారించడం లేదు. అదేమంటే నిర్వహణ పనుల్లో తేనెటీగను తొలిగించాలన్న నిబంధనేమీ లేదంటూ చేతులు దులుపుకొంటున్నారు. ఇంజినీర్లు గేట్లు ఎత్తి, దించేటప్పుడు సిగరెట్‌ పొగ పీల్చి, వదిలినా, ఘాటైన శానిటైజర్లు, ఫర్‌ఫ్యూమ్‌లు వాడినా ఆ వాసనకు పైకి లేచి దాడి చేస్తున్నాయి. వరదల సమయంలో గేట్లు ఎత్తి, దించేటప్పుడు ప్రతిసారీ తేనెటీగల దాడి తప్పడం లేదు.
తేనెటీగలు కుట్టే లక్షణాలు ఇలా..
● అన్ని రకాల తేనెటీగలు తమ ఉనికికి ఆటంకం కల్గిస్తే దాడి చేస్తాయి.
● పని ఈగలు, ఆడ ఈగలు లేదా రాణి ఈగలు దాడి చేయడంలో ముందు ఉంటాయి.
● పుప్పొడి కోసం వెళుతున్న ఈగలు కుట్టవు.
● తాము నివాసం ఉంటున్న తుట్టెకు ప్రమాదం కల్గించినపుడు దాడి చేస్తాయి.
● తేనెటీగ స్టింగర్‌ కొండి ముళ్లలాగా ఉండి మూడు భాగాలుగా ఉంటుంది.
● మనిషి, ఇతర జంతువుల చర్మం మందంగా ఉంటాయి. ఈగ కుట్టినపుడు బాధితుడి చర్మంలోకి కొండి మొదటి భాగం పోయి ఇరుక్కు పోతుంది. ఈ కొండిని బయటికి తీసుకోవడానికి ఈగ విపరీతంగా ప్రయత్నిస్తుంది.
● ఈ ప్రయత్నంలో ఈగ ఉదర భాగంపై ఒత్తిడి పెరిగి పొట్ట పగిలి చనిపోతుంది. చనిపోయిన ఈగ నుంచి ఈ దశలో ప్లైరోమోన్‌ అనే హర్మోన్‌ విడుదల అవుతుంది.
● ఈ హార్మోన్‌ అలారం లాగా పని చేస్తుంది. ఫిరమోన్‌ వాసన అంతా వ్యాపిస్తుంది. ఈ వాసనను గుర్తించి మిగతా తేనెటీగలు లేచి ఉమ్మడిగా వ్యక్తులపై దాడి చేస్తాయి.
● సాధారణంగా బాధితుడు పారిపోతున్నా, జనంలో కలిసి పోయినా వదిలిపెట్టవు.
● బాధితుడు నీటిలో దూకినా, బయటకు వచ్చినా వెంటనే తిరిగి దాడి చేస్తాయి.
● తేనెటీగలు, కందిరీగలు ఒకే రకమైన కీటక జాతికి చెందినవి.
శరీరంపై వివిధ ప్రదేశాలల్లో ప్రభావం ఇలా..
● తలపై ఎక్కువగా కుడితే వెంటనే కోమాలోకి వెళ్లే ప్రమాదం ఉంది.
● నరాలపై కుడితే చలనం కోల్పోతారు.
● కండరాలపై ఎక్కువగా దాడి చేస్తే బీపీ పెరుగుతుంది. గుండె వేగంగా కొట్టుకుని అపస్మారక స్థితిలోకి వెళతారు.
తీసు కోవాల్సిన జాగ్రత్తలు
● వీలైనంత త్వరగా శరీరంలో చిక్కుకున్న కొండీలను తొలగించాలి