కుందూ నదికి భారీగా వరద నీరు.. నీట మునిగిన వంతెన
వర్షాల కారణంగా కర్నూలు జిల్లా నంద్యాల సమీపంలో కుందూ నది ఉధృతంగా ప్రవహిస్తోంది. నీటి ప్రవాహ ధాటికి కుందూ నది వద్ద ఉన్న వంతెన మునిగి రాకపోకలకు వీలు లేకుండా పోయింది. నంద్యాల నుంచి నందమూరి నగర్, వైఎస్ నగర్, ఎస్సార్బీసీ కాలనీ, పులిమద్ది, మునగాల, రాయమలుపురం గ్రామాలకు పూర్తిగా రాకపోకలు నిలిచిపోయాయి. ఈ ప్రాంతాల ప్రజలు మరో మార్గం వైపు వెళ్లాలని అధికారులు సూచించారు.